Willkommen auf den Seiten des Auswärtigen Amts

ڤیزا بۆ مانەوەی کەمتر لە 90 رۆژ - ڤیزای شێنگن

Schengen Visum

Schengen Visum, © colourbox

بابەت

لێرە تازەترین زانیاری و فۆرمەکانی پێویست بۆ سەردانەکەتان بۆ ئەڵمانیا دەست دەکەون.

کەسانێک کە ڤاکسینی تەواویان وەرگرتبێت دەتوانن بەبێ هەبوونی هۆیەکی گرنگیش سەردانی ئەڵمانیا بکەن و بۆ ئەم مەبەستەش دەتوانن، بە پێی توانا بەردەستەکان، ڤیزا داوا بکەن. لە نێوان مەبەستەکانی داواکردنی ڤیزا ئەوانە پێشدەخرێن کە زیاتر پێویستن.

کەسانێک کە ڤاکسینی تەواویان وەرگرتبێت دەتوانن بەبێ هەبوونی هۆیەکی گرنگیش سەردانی ئەڵمانیا بکەن و بۆ ئەم مەبەستەش دەتوانن، بە پێی توانا بەردەستەکان، ڤیزا داوا بکەن. مەرجەکانی لەبەردەستدابوونی حاڵەتی گرنگ لەسەر سایتی وەزارەتی ناوخۆ رۆن کراونەتەوە.

بۆ گەشتکردن بۆ ناو ئەڵمانیا بڕوانامەیەکی دیجیتاڵی ئەوروپی ڤاکسین یاخود بەڵگەنامەیەکی دیجیتاڵ یان چاپکراوی بە زمانی ئەڵمانی، ئینگلیزی، فەڕەنسی، ئیتاڵی یاخود ئیسپانی پێویستە.

وادەکانی پێشکەشکردنی ڤیزای شێنگن، زۆربەی کات رۆژانی هەینی، دەکرێت لە رێی  کۆمپانیای VFS Global تۆمار بکرێن.

لەم ماوەیەدا لە زۆر شوێنی ئەڵمانیا ژیانی ئاسایی سنووردار کراوە، لەوانەش بەشێکیان بەندن بە رەوشی کۆڕۆنا لە هەندێک لەم ناوچانەدا، کە هەرکات ئەگەری گۆڕانیش هەیە. هەم حکومەتی فیدڕالی و هەم حکومەتی هەرێمەکان هەندێک لە شوێنەکانیان، لەوانەش شوێنی مانەوە (بەتایبەت هوتێلەکان)، چێشتخانە، باڕ و یانەکان و سوێنی دیکەی هاوشێوە و هەروەها چالاکییە وەرزشی و کولتوورییەکان و چالاکییەکانی کاتی پشوو، تەنیا بەو کەسانە سنووردارکردووە کە بەڵگەنامەی پێکوتە یاخود تیپەڕاندنی کۆڕۆنا (رێسای 2G) یان هەروا بەڵگەنامەی تێستیشیان (رێسای 2G Plus) هەیە و لەوانەیە سنووردارکردنی دیکەش رابگەیەنن. ئەڵمانیا بەشێوەیەکی گشتی تەنیا دان بەو ڤاکسینانەدا دەنێت کە لەلایەن ئاژانسی ئەوڕوپی دەرمان (EMA) رێپێدراون و مۆڵەتپێدراون. هەروەها لە هەندێک شوێنیشدا تەنیا بەڵگەنامەی دیجیتالی یەکێتی ئەوڕوپای ڤاکسین و هاوشێوەکانی قەبوڵ دەکرێن. بەمەش بەڵگەنامەی بیانی (چ چاپکراو بن چ دیجیتاڵی) لە زۆر حاڵەتدا کاریان پێ ناکرێت. تکایە بەر لە گەشتکردنتان بۆ ئەڵمانیا خۆتان زانیاری لەبارەی گەشتەکەتان و ئەو چالاکییانەی بەنیازن لە کاتی گەشتەکەدا ئەنجامیان بدەن، ئاخۆ ئەنجام دەدرێن، وەدەست بێنن. زانیاری لەو بارەوە لەسەر سایتی هەر هەرێمێک، گەشتی بۆ دەکەن، هەن. نوێنەرایەتییەکانی ئەڵمانیا لە دەرەوە ناتوانن بەرپرسیارێتی یاخود راوێژکاری لەم بارەوە بگرنە ئەستۆ.

زانیاری زیاتر لە بارەی رێکار و سنووردارییەکان، تۆمارکردن، بەڵگەنامە و کەرەنتێنە لەسەر سایتەکانی وەزارەتی دەرەوە، وەزارەتی ناوخۆ و وەزارەتی تەندروستی و دەست دەکەون.

--------------------------------------------

زانیاریی گشتی سەبارەت بە تۆمارکردنی وادە:

- تکایە لە کاتی تۆمارکردنی وادەدا ئاگاداری ئەوە بن، کە ناو و ژمارەی پاسپۆرتەکەتان بە درووستی وەک ئەوەی لە پاسپۆرتدا هاتوون بنووسن. هەر جیاواییەک لەم دووانەدا دەبێتە مایەی پوچەڵبوونی وادەکە.

- ئەندامانی خێزانێک دەتوانن پێکەوە وادەیەکی هاوبەش تۆمار بکەن. ئەمە لە سیستەمی تۆمارکردنی وادەدا دەکرێت، ئەویش لەڕێی „add applicant“. جگە لەمە، ناکرێت دواتر وادە جیاجیا بەیەکەوە کۆبکرێنەوە.

 - کاتی وادەکان ناگۆڕدرێن.

-  وادەکان ناسڕدرێنەوە.

-  دانی رەسمی تۆمارکردنی وادە  مانای تۆمارکردنی وادە نییە. دوای دانی پارەکە، پێویستە وادەکە لە رێی سایتی کۆمپانیای VFS Global تۆمار بکرێت.

-  بڕی رەسمی تۆمارکردنی وادە بە دۆلاری ئەمریکی نیشان دەدرێت و بە گوێرەی نرخی دراوەکان گۆڕانی بەسەردادێت. دوای تۆمارکردنی وادەکە، ئەم بڕە پارەیە ناگەڕێندرێتەوە.

سەرەڕای ئەمانەش، تکایە ئاگاداری زانیارییەکانی سەر سایتی کۆمپانیای VFS Global بن سەبارەت بە تۆمارکردنی وادە و پێشکەشکردنی داواکارییەکە.

بۆ سەردانیکردنی سایتی کۆمپانیای VFS Global، کلیکی ئەم لینکەی خوارەوە بکەن:

https://www.vfsglobalservices-germany.com/Global-Appointment

-------------------------------------------

گازندە لە پڕۆسەی ڤیزای شێنگن

داواکارانی ڤیزای شێنگن دەتوانن لە رێگای گلەیی و گازاندەکانیان سەبارەت بە مامەڵەی کارمەندانی کونسوڵگەریی، مامەڵەی کۆمپانیای VFS Globa یان پڕۆسەی داواکردنی ڤیزا بگەیەنن. تکایە بۆ ئەم مەبەستە لەکاتی بەکارهێنانی فۆڕمی پەیوەندیکردن بە کونسوڵگەریی گشتی "گازندە سەبارەت بە پڕۆسەی داواکردنی ڤیزای شێنگن" هەڵبژێرن. تکایە ئاگادار بن لەوەی کەوا تەنیا ئەو گلەییانەی بە زمانی ئەڵمانی یاخود ئینگلیزی دەنێردرێن، رەچاو دەکرێن. ئەو گلەییانەی بە زمانێکی دیکەی جیا لەو دوو زمانە دەنێردرێن، رەچاو ناکرێن. تکایە لە خانەی بابەت، یەکێک لەو سێ بژاردەیە بنووسن:

ا. گازندە لە رەفتاری کارمەندانی کونسوڵگەری

ب. گازندە لە رەفتاری کۆمپانیای VFS Global

ج. گازندە لە پڕۆسەی داواکردنی ڤیزا

دوای گەیشتنیان، ئێمە لێکۆڵینەوە لە گازندەکانتان دەکەین.

تێبینییەکی گرنگ: لە رێگای فۆڕمی گەیاندنی گلەیی و گازندەکان هیچ رێکارێکی یاسایی سەبارەت بە بڕیاردان بە رەتکردنەوە، پوچەڵکردنەوەی ڤیزا، بەتایبەیش داوای چاوپێداخشاندنەوە، وەرناگیرێن.


بابەتی زیاتر

بەڕێزان، بەخێربێن بۆ بەرنامەی ڤیدێکس بۆ تۆمارکردنی زانیارییەکانتان لەرێی ئینتەرنێتەوە بۆ مەبەستی داواکردنی ڤیزای شینگن لای کونسوڵگەریی گشتیی کۆماری ئەڵمانیای فیدڕال لە هەولێر. ئێمە دەمانەوێت بەپێی…

بەکارهێنانی بەرنامەی ڤیدێکس بۆ پڕکردنەوەی فۆڕمی ڤیزا لەرێی ئینتەرنێتەوە

بابەتی هاوشێوە

گەڕانەوە سەرووی لاپەڕەکە