Willkommen auf den Seiten des Auswärtigen Amts

کونسوڵگەریی گشتیی ئەڵمانیا لە هەولێر

بەخێربێن!

Generalkonsulat Erbil

لە رۆژی 24/10/2021 ەوە عێڕاق چیتر ناوچەی پلە مەترسی باڵا نییە. بەمەش تۆمارکردنی پێشوەختەی گەشتکردن لە عێڕاقەوە بۆ ئەڵمانیا و خۆکەرەنتینکردنی دە رۆژە هەڵدەگیرێن. لە کاتی گەشتکردن بۆ ئەڵمانیا هەر گەشتیارێک (ئەڵمان و غەیرە ئەڵمان) پێویستی بە بەڵگەیەکی سەلمێنەری ئەوە هەیە، کە هەڵگری ڤایرۆسی کۆڕۆنا نییە، ئەمەش دەکرێت بەڵگەی سەلمێنەری ڤاکسین، تێست یاخود چاکبوونەوە بێت.

زانیاری زیاتر دەربارەی ریکارەکانی گەشتکردن، تۆمارکردنی پێشوەختە و کەرەنتینەکردن لەسەر سایتەکانی وەزارەتی دەرەوە، وەزارەتی ناوخۆ و وەزارەتی تەندروستیی ئەڵمانیا دەست دەکەون.

___

بەشی ڤیزای کونسوڵگەریی گشتی دووبارە بە ڕووی سەردانیکەرانیدا کراوەیە.  سەردانیکردنی کونسوڵگەریی تەنیا لەڕێی وەرگرتنی وادەیەکی پێشوەخت دەبێت. پێدانی ڤیزا بەشێوەیەکی سنووردار بەردەوامە و تەنیا بۆ ئەو کەسانەیە کە لە مەرجەکانی رێکارەکانی گەشتکردن بەدەرن.

هیوادارین تێگەیشتنتان بۆ ئەوە هەبێت، کە لەوانەیە ماوەی چاوەڕوانییەکان درێژ بن و تکامان وایە لەم ماوەیەدا دەستبەردانی پرسیارکردن بن.
حکومەتی هەرێمی کوردستان – عێڕاق بۆ پێشگری لە بڵاوبوونەوەی کۆڕۆنا کۆمەڵێک رێوشوێنی تایبەت بە سنووردارکردنی هاتوچۆ و خۆپارێزی گرتوونەتەبەر. تکامان وایە زانیاری لەو بارەیەوە لە میدیاکان و تۆڕە کۆمەڵایەتییەکان وەدەست بێنن و پابەند بن بە رێنمایی هێزە ئەمنییەکان

زانیاری نوێ بە زمانی ئینگلیزی سەبارەت بە رەوشی ڤایۆسی کۆڕۆنا لە هەرێمی کوردستان - عێڕاقدا لەسەر  سایتی حکومەتی هەرێمی کوردستان و سایتی فڕۆکەخانەی هەولیر دەستدەکەون.
ئاگادارییە نوێکانی وەزارەتی دەرەوەی ئەڵمانیا  لێرە بەردەستن.
تکایە ئاگادارییەکانی وەزارەتی دەرەوە سەبارەت بە رەوشی ئەمنی و گەشتکردن و هەروەها ئاگادارییەکانی باڵیۆزخانەی ئەڵمانیا رەچاو بکەن.

لە حاڵەتی ناچاری و بەپەلەدا هاوڵاتیانی ئەڵمان دەتوانن پەیوەندی بەم ژمارە تەلەفونەوە بکەن: 009647518004275

چەند ئاگادارییەکی گرنگ

 شلکردنی رێکارەکانی گەشتکردن بۆ ئەڵمانیا بۆ ئەو کەسانەی ڤاکسینیان وەرگرتووە

سنووردارکردنی گەشتکردن بۆ وڵاتانی یەکێتی ئەوڕوپا بەردەوامە. گەشتکردن لە وڵاتانی دیکەوە بۆ ئەڵمانیا لە کاتی هەبوونی هۆیەکی گرنگ رێگەپێدراوە.
ئەو کەسانەی ڤاکسینی تەواویان وەرگرتووە لە 25/6/2021 ەوە دەتوانن بە لەبەردەستدابوونی چەند مەرجێکی دیاریکراو بۆ مەبەستی سەردان و گەشتیاریش سەردانی ئەڵمانیا بکەن. هەروەها دەکرێت، بە ئەندازەیەکی سنووردار، دیسان داوکاریی ڤیزا پێشکەش بە کونسوڵگەریی گشتی بکرێن.

تەنیا ئەو کەسانە دەتوانن سەردانی ئەڵمانیا بکەن، کە بە یەکێک لەم ڤاکسینانەی لەلایەن ئەنستیتوتی پاول ئولریش دانپێدانراون، ڤاکسینیان وەرگرتبێت، بەمەرجێک چواردە رۆژ بەسەر دوایەمین ژەمی پێویستی ڤاکسینەکەدا تێپەڕیبێت. قەبوڵکردنی پێکوتەی دیکەی هاوشێوەش دەخرێنە لیستەوە، هەرکات تاقیکردنەوە پێویستەکان بۆ ئەمە کۆتاییان هات.

بۆ گەشتکردن بۆ ناو ئەڵمانیا بڕوانامەیەکی دیجیتاڵی ئەوروپی ڤاکسین یاخود بەڵگەنامەیەکی دیجیتاڵ یان چاپکراوی بە زمانی ئەڵمانی، ئینگلیزی، فەڕەنسی، ئیتاڵی یاخود ئیسپانی پێویستە. لە بەڵگەنامەکەدا دەبێت ئەم زانیارییانە هەبن:

  1. زانیاری تایبەت بە کەسەکە (لانی کەم ناوی تەواو و بەرواری لەدایکبوون)
  2. بەرواری لێدانی ڤاکسین و ژمارەی ژەمەکان
  3. ناوی جۆری ڤاکسینەکە
  4. ناوی ئەو نەخۆشییەی ڤاکسینەکەی لەدژی لێدراوە
  5. زانیارییەکانی تایبەت بە کەس یاخود دەزگای بەرپرس لە دەرکردنی بەڵگەنامەی ڤاکسین، بۆ نموونە هێمایەکی فەرمی یاخود ناوی کەس یان ئەو لایەنەی بەڵگەنامەکەی دەکردووە.

سەبارەت بە کەسانی چاکبووەوە دەکرێت ڤاکسینەکە لە تەنیا یەک ژەم پێک بێت. بۆ سەلماندنی پێکوتەی تەواوی کەسانی چاکبووەوە، پێویستە بسەلمێنرێت، کە بەر لە لێدانی ڤاکسینەکە کەسەکە کۆڕۆنای هەبووە. بۆ سەلماندنی ئەمەش پێویستە تێستێکی پۆزەتیڤی جۆری PCR پێشکەش بکرێت. پشتگریی چاکبوونەوە دەبێت بە زمانی ئەڵمانی، ئینگلیزی، فەڕەنسی، ئیتالی یاخود ئیسپانی و بە شێوەی دیجیتال یاخود کاغەزی بێت.

کەسانی تەمەن خوار دوازدە ساڵ کە هێشتا ڤاکسینیان وەرنەگرتووە دەتوانن لە رێی پێشکەشکردنی تێستێکی نێگەتیڤی PCR یاخود Antigen و بە یاوەریی لانی کەم دایک یان باوکێک، کە ڤاکسینی تەواوی وەرگرتبێت، گەشت بکەن.

وادەکانی پێشکەشکردنی ڤیزای شێنگن، زۆربەی کات رۆژانی هەینی، دەکرێت لە رێی  کۆمپانیای VFS Global تۆمار بکرێن.

زانیاری زیاتر لە بارەی رێکار و سنووردارییەکان، تۆمارکردن، بەڵگەنامە و کەرەنتێنە لەسەر سایتەکانی وەزارەتی دەرەوە، وەزارەتی ناوخۆ و وەزارەتی تەندروستی و دەست دەکەون.

- ئایا بەهۆی داخستنی کونسوڵگەریی گشتی نەتوانروە وادەکەتان جێبەجێ بکرێت؟
بەشی ڤیزای کونسوڵگەریی گشتی بە شێوەیەکی زۆر سنووردار بە ڕووی سەردانیکەرانیدا دەکرێتەوە. ئەو وادانەی کە بەهۆی پەتای کۆڕۆناوە نەکرا وەدی بهێنرێن، سەرلە نوێ دیاری دەکرێنەوە. بۆ ئەم مەبەستە راستەوخۆ پەیوەندی بە داواکارانەوە دەکرێت. هیوادارین تێگەیشتنتان بۆ ئەوە هەبێت، کە لەوانەیە هێشتا ماوەی چاوەڕوانیکردن درێژ بێت و تکامان وایە لەم ماوەیەدا دەستبەردانی پرسیارکردن بن.


- دەتانەوێ وادەیەک بۆ پێشکەشکردنی داواکاریی ڤیزا تۆمار بکەن؟

وادە بۆ پێشکەشکردنی داواکاریی ڤیزای نیشتمانی دەکرێت دووبارە لەڕیی VFS Global تۆمار بکرێن

وادەکان دەکرێت یان لە رێگای دانی بڕێکی کەمی رەسمی خزمەتگوزارییەکە لە رێگای ئۆنلاینەوە یاخود لە رێی بانکەوە تۆمار بکرێن.

لێرەوە رایدەگەیەنین کە جگە لەو رەسمە کەمەی تۆمارکردنی وادە پێویست بە دانی هیچ بڕە پارەیەکی دیکە ناکات و داوامان وایە هەموو جۆرە هەوڵیک بۆ کڕینی وادە رەتبکەنەوە.

بەهۆی بڵاوبوونەوەی پەتاوە، هیوادارین تێگەیشتنتان بۆ ئەوە هەبێت، کاتەکانی وادە درێژ دەبن.

نووسینگەی رێکخراوی نێودەوڵەتی کۆچ IOM  بە سنوورداریی کراوەیە. ئەو وادانەی بەرنامەی یارمەتیدانی خێزان، بەهۆی بڵاوبوونەوەی پەتاوە تا ئێستا نەکراوە جێبەجێ بکرێن، پێش دەخرێن.

زانیاری زیاتر لەم بارەیەوە:

https://www.facebook.com/IOM.Family.Assistance.Programme/


دەکرێت  داواکاریی لەلایەن رێکخراوی IOM بۆ یەکگرتنەوەی خێزانی بۆ پەنابەرانی دانپێدانراو بۆ ماوەی سێ مانگ پێشوەختە تۆمار بکرێن. وادەکان دەتوانرێت بەهەردوو  رێگای پارەدان لە بانک و لە رێگای ئۆنلاین بە بەکارهێنانی ماستەرکارد وڤیزاکارت تۆمار بکرێن.

ئەو وادانەی کە لە 2020  تۆمار کراون و بەهۆی ڤایرۆسی کۆرۆناوە دواخراون، دووبارە دیاری دەکرێنەوە. وادە نوێیەکان بۆ ئەو ئیمەیڵانە نێرداون کە پێشوتر وادەکانی پێ وەرگیراون.

ئەگەر هاتوو ئێستا بە مۆڵەتێکی مانەوەی بەسەرچووی ئەڵمانیا لە عێڕاق یاخود سوریان، دەمانەوێت لەوە ئاگادارتان بکەینەوە کەوا تەنیا فەرمانگەکانی ناوخۆی ئەڵمانیا دەسەڵاتی درێژکردنەوەی مۆڵەتی مانەوەیان هەیە. ئێمە ناتوانین مۆڵەتی مانەوە درێژ بکەینەوە. بۆیە تکامان وایە بۆ ئەم مەبەستە، پەیوەندی بە فەرمانگەی بیانیانی تایبەت بە شوێنی نیشتەجێبوونتان لە ئەڵمانیاوە بکەن. ئەگەر ئەمە نەکرا، دەتوانن داواکاریی گەڕانەوە پێشکەش بکەن.
سەبارەت بە پێشکەشکردنی داواکاری ڤیزای گەڕانەوە، دەمانەوێت ئەوەتان پێ ڕا بگەیەنین، کەوا پێدانی دووبارە کراوەتەوە، بەڵام ئەمە بەهۆی رێکارەکانی خۆپارێزی لە کۆڕۆنا سنووردارە. ئێمە لە کاتی خۆیدا زانیاری لە بارەی کاتی تۆمارکردنی وادە لەسەر ئەم ماڵپەڕە بڵاو دەکەینەوە. تکایە بەردەوام سەردانی ماڵپەڕەکەمان بکەن. هەر کاتیش دۆخی کارکردن ئاسایی بوویەوە، ئەوا دەتوانن لە رێی سیستەمی تۆمارکردنی وادەی کۆمپانیا VFS Global لە رێی ئەم لینکەی خوارەوە، وادەیەک تۆمار بکەن:


تکایە لەوێ لە دەستەی "ڤیزای نیشتمانی" و لە ژێریشی جۆری "گەڕانەوە" هەڵبژرێن.

لە کاتی ئێستادا ناتوانین وەڵامی ئەو پرسیارانە بدەینەوە کە سەبارەت بەو داواکارییانەی ڤیزا لێمان دەکرێن کە پێشتر پێشکەش کراون. کونسوڵگەریی گشتی لە هەوڵی ئەوەدایە، ئەو داواکارییانەی تا ئێستا وەڵام نەدراونەتەوە، بەم زووانە کارەکانیان تەواو بکات. خاوەن داواکارییەکان لە کاتی خۆیدا لە ئەنجامی داواکارییەکانیان ئاگادار دەکرێنەوە. بۆیە تکامان وایە، لەو بارەیەوە پرسیارمان ئاراستە نەکرێن.

کلێمێنس زێمتنەر

کونسوڵی گشتی کلێمێنس زێمتنەر

لە رۆژگارانێکی سەختی وەک ئەوەی پەتاکەی ئێستاشدا، ئەڵمانیا وەک هاوبەشێکی جێمتمانەی هەرێمی کوردستانی عێڕاق دەمێنێتەوە

کلێمێنس زێمتنەر

خزمەتگوزارییەکان

گەڕانەوە سەرووی لاپەڕەکە