لەم حاڵەتانەدا بۆ گەڕانەوە بۆ ئەڵمانیا پێویستتان بە ڤیزای ناسراو بە ڤیزای گەڕانەوە (ڤیزای نیشتمانی جۆری D) هەیە. ئێوە دەتوانن دوای وەرگرتنی وادەیەک، لە کونسوڵگەریی گشتی داوای ڤیزایەکی لەم جۆرە بکەن. وادەی پێشکەشکردنی داواکاری بۆ ئەم جۆرە ڤیزایە لای کۆمپانیای VFS.Global تۆمار دەکرێن.

تکایە ئاگادار بن، کە لە میانی پڕۆسەی ئەم جۆرە ڤیزایەدا پەیوەندی بە فەرمانگەی بیانیانی شوێنی نیشتەجێبوونتانەوە دەکرێت، کە پێویستە رەزامەندی لەسەر پێدانی ڤیزاکە بدات. بۆ ئەوەی پڕۆسەکە خێراتر بکرێت و زووتر رەزامەندی وەربگیرێت، ئێوە دەتوانن پێشوەختە پەیوەندی بە فەرمانگەی بیانییانی شوێنی نیشتەجێبوونتانەوە بکەن و لە حاڵەتەکەتان ئاگاداری بکەنەوە.