Willkommen auf den Seiten des Auswärtigen Amts
چوونی هاوڵاتی عێڕاقی بۆ لای منداڵی خاوەن مافی پاراستنی لاوەکی (مۆڵەتی مانەوە بە پێی ماددە 25، بڕگە 2، دووەم یاخود 4ی یاسای پەنابەری)
ئەم پەڕەی زانیارییە تەنیا بۆ داواکردنی ڤیزا لە بەشی ڤیزای هەولێر دەبێت.
دایکوباوکی خاوەن مافی سەرپەرشتیاری دەتوانن داوای ڤیزا بە مەبەستی کۆکردنەوەی خێزان و چوون بۆ لای منداڵی تەمەن خوار هەژدەساڵ و سەڵت کە خاوەنی مافی پاراستنی لاوەکین بکەن.
بەڵگەنامەی پێویست:
تەواوی بەڵگەنامەکان پێویستە بە وەرگێڕانێکی ئەڵمانی وەرگێڕێکی دانپێدانراو پێشکەش بکرێن.
تەواوی ئەو بەڵگەنامانەی باری کەسی کە لە هەرێمی کوردستان دەرچوون پێویستە لەلایەن فەرمانگەی پەیوەندییەکانی دەرەوەی حکومەتی هەرێمی کوردستان لە هەولێر پەسەند (تەصدیق) کرابن، بەڵگەنامەی دیکەی عێڕاقی پێویستە لەلایەن وەزارەتی دەرەوەی عێڕاق لە بەغدا پەسەند بکرێن.
بۆ داواکردنی ڤیزایەکی نیشتمانی پێویستە فۆڕمێکی داواکردن بە تەواوی و بە زمانی ئەڵمانی پڕکرابێتەوە، لەگەڵ رۆنکردنەوە بە پێی ماددە 54ی یاسای مانەوە، پێشکەش بکرێت. لە فۆڕمەکەدا (VIDEX) تەواوی زانیارییەکان سەبارەت بە سەفەر و مانەوەتان لە ئەڵمانیا بنووسن. پێویستە ئەم فۆڕمە ئۆنڵاین پڕ بکەنەوە، چاپ و واژۆی بکەن و لە کاتی پێشکەشکردنی داواکارییەکە لەگەڵ خۆتانی بهێنن.
بەشی ڤیزا هۆشداری دەدات لە پەنابردنە بەر نووسینگەکانی ڤیزا بۆ پڕکردنەوەی فۆڕمی داواکاری. لەم رێگەیەوە دەکرێت زانیاری هەڵە یاخود ناتەواو بخزێنە ناو داواکارییەکەتان، کە لە خراپترین دۆخدا دەکرێت ببنە مایەی رەتکردنەوەی داواکارییەکەتان.
وێنەیەکی نوێی بایۆمەتری پاسپۆرت (3,5 x 4,5 بە باکگراوندێکی سپییەوە)
زانیاری سەبارەت بە وێنەی بایۆمەتری لەم لینکە هەن.
پاسپۆرتێکی بەرکار لەگەڵ کۆپییەکی لاپەڕەی زانیارییەکان و لاپەڕەی واژۆ، کە لەلایەن هەڵگرەکەیەوە واژۆ کرابێت، و دوو لاپەڕەی پڕنەکراوەی مابن. پاسپۆرتەکە پێویستە لە ماوەی دە ساڵی رابردوودا دەرچووبێت.
ناسنامەیەکی بەرکاری وڵاتی خۆتان بە وەرگیڕانێکی ئەڵمانی لەگەڵ کۆپییەکیدا
بەڵگەی ئەوەی کە ئێوە بە شێوەیەکی سەرەکی لە هەرێمی کوردستان-عێڕاق دەژین (پارێزگاکان دهۆک، هەولێر، سلێمانی و هەڵەبجە) یاخود مۆڵەتێکی بەرکاری مانەوەتان لە هەرێمی کوردستان-عێڕاق هەیە، لەگەڵ کۆپییەکیدا
گرنگ: وەرگێڕانی ئەڵمانی ئەم بەڵگەنامانەی خوارەوە پێویستە شوێنی دەرچوون، پارێزگا و ناوەڕۆکی مۆر و هەر زانیارییەکی دیکەی هاتوو تێیدا بگرێتە خۆی!
1) وێنەی تۆماری خێزانیی کەسی داواکار بە نوسخەی ئەسڵی و کۆپییەک، لە ساڵێک کۆنتر نەبێت
2) وێنەی تۆماری کەسیی داواکار، بە نوسخەی ئەسڵی و کۆپییەک، لە ساڵێک کۆنتر نەبێت
3) بەڵگەنامەی لەدایکبوونی کەسی داواکار، بە نوسخەی ئەسڵی و کۆپییەک
4) وێنەی تۆماری کەسی منداڵەکەی نیشتەجێی ئەڵمانیا، بە نوسخەی ئەسڵی و کۆپییەک
5) بەڵگەنامەی لەدایکبوونی منداڵەکەی نیشتەجێی ئەڵمانیا، نوسخەی ئەسڵی و کۆپییەک
6) گرێبەستی هاوسەرگیری لای دادگا، بە نوسخەی ئەسڵی و کۆپییەک
7) هەروەها ئەگەر پێویست بوو، تەڵاقنامە هاوسەرگیرییەکانی پێشوو، بە نوسخەی ئەسڵی و کۆپییەک
1) کۆپییەکی پاسپۆرت (لاپەڕەی زانیارییەکان و لاپەڕە 1 تا 3)
2) کۆپییەکی مۆڵەتی مانەوە (دیوی پێشەوە و دواوەی)
3) کۆپییەکی تۆماری شوێنی نیشتەجێبوون Meldebescheinigung، لە شەش مانگ کۆنتر نەبێت
4) کۆپییەکی بڕیاری فەرمانگەی فیدڕالی کۆچ و پەنابەران BAMF سەبارەت بە داننان بە مافی پاراستنی لاوەکی ، لەگەڵ ئاماژەی ئەوەی کەی بڕیارەکە کەوتۆتە کار
کۆپییەکی نووسراوی پشتگیری سەبارەت بە پێشکەشکردنی داواکریی لە ماوەی دیاریکراودا یاخود بەڵگەی دیکە (بۆ نموونە، ئیمەیل، نووسراوی کونسوڵگەریی سەبارەت بە ماوەکە و هی دیکە)
ئەگەر هاتوو لەگەڵ دایکوباوکەکە بۆ خوشک وبرای ئەو منداڵەی لە ئەڵمانیا دەژیەت داواکاریی ڤیزا پێشکەش بکرێت، پێویستە داواکارییەکان لەلایەن دایکوباوکەوە واژۆ بکرێن. ئەگەر یەکێک لە دایک یان باوک لە وڵاتی خۆیان بمێنێتەوە، پێویستە لەکاتی دیداری پێشکەشکردنی داواکارییەکە بە نووسراو رەزامەندی لەسەر چوونی منداڵەکەی بدات.
ماڵیانە
ماڵیانەی داواکردنی ڤیزای نیشتمانی بریتییە لە 75 یوڕۆ، هەروەها بۆ کەسی داواکار تاکو تەمەنی ١٨ سال ٣٧،٥٠ یورۆ کە بە نرخی گۆڕینەوەی رۆژ و بە دۆلاری ئەمریکی دەدرێت. یوڕۆ و دیناری عێڕاقی نە وەردەگرێن و نە دەیشگۆڕدرێنەوە.
دەستنیشانکردنی وادە
وادەی پێشکەشکردنی داواکاری بۆ ڤیزا بە تۆمارکردن لە لیستێکی چاوەڕی دەبێت. لێرەوە دەتوانن بچنە سەر لیستەکە. بە هۆی داواکاری زۆرەوە، دەکرێ ماوەی چاوەڕیکردنەکە درێژ بێت.
ئەو داواکارانەی وادەیەکیان بۆ پێشکەشکردنی داواکاری بۆ ڤیزای کۆکردنەوەی خێزان بۆ چوون بۆ منداڵی خاوەن مافی پاراستنی لاوەکی لە ئەڵمانیا تۆمار کردووە، لە کاتی خۆیدا لەلایەن رێکخراوی نێودەوڵەتی کۆچ IOM، رێکخراوی نەتەوە یەکگرتووەکانی تایبەت بە کۆچ لە چوارچێوەی بەرنامەی کۆمەککردنی خێزاندا FAP پەیوەندیان پێوە دەکرێت.
ئەگەر هاتوو دڵنیا نەبوون لەوەی تۆمارکردنی وادەکەتان درووستە، یان ئەگەر هاتوو زانیارییەکانی پەیوەندیپێوەکردنتدان لە دوای تۆمارکردنی وادەکە گۆڕاون (ژمارە تەلەفون و ئەدرێسی ئیمەیل)، ئەوا پێویستە پەیوەندی بە کۆمپانیای IOM بکەن:
هەولێر، گوندی ئیتاڵی 1
ڤیللای ژمارە B4 و B5
00964662111500
ئیمەیل: info.fap.iq@iom.int
هەڵنەگرتنی بەرپرسیارێتی: هەموو ئەم زانیارییانە بەگوێرەی ئاگاداری و ئەزموونی نوێنەرایەتییەکانی دەرەوەمان لە کاتی نووسینی پەڕەی زانیارییەکەدا داڕێژراون. بۆ تەواوێتی و دروستیی هیچ بەرپرسیارێتییەک ناگیرێتە ئەستۆ، مافی یاسایی لەم پەڕەی زانیارییەوە سەرچاوە ناگرن.